Wa Fhir VS Preman Kampung

“Waaaaaaaaa..... menta duit atuh! Hayang meuli Biskuat!!!!” ceuk 2 preman Kampung Ngadu Bako, Jang Uyung jeung Jang Zowie. Eta dua jelema baragajul, nu katelah nyieun kaributan, jeung hibina ngelem lem cap Tackol teh, mimiti ngarayu ka Wa Fhir nu keur cingogo di pacilingan, landeuheun imah Ceu Mar.

“Ari saria teu ngadeuleu aing keur tapa? Eu!! Tuh, nya jadi we nongtot wungkul...” jawab Wa Fhir sibuk ngaluarkeun tenaga dalam... ngaheden, bari ngagebah-gebahkeun entog Ceu Ulil nu keur marelongkeun di handapeun pacilingan. Anehna, lauk nu aya di handap ge teu sibuk. Biasana mun keur aya nu tapa teh sok paboro-boro. 

“Burukeun atuh Wa! Geus lila yeuh teu meuli Biskuat!!!” Ceuk preman Zowie bari ngangsrodkeun calanana nu morosot wae.
“Nya atuh Wa! Bener pren... uing ge geus teu kuat hayang Biskuat jeung Taro. Wa!” ceuk preman Uyung milu mairan baturna, bari leungeunna teu weleh gagaro. Da budugna mulai kanceuh - epek tadi isuk diparaban lauk asin ku Bunda.
“Meunggeus siah, daripada gandeng wae. Engke ku aing dibere tilu gulden mah. Pangnyokotkeun heula cai tuh keur ngisang!” jawab Wa Fhir bari ngabenerkeun sarung nu diharudumkeun.
“Mangga Wa!” giridig we preman Zowie langsung ka susukan.

Katingali Wa Fhir geus cengkat ti pacilingan. Preman Zowie teu lila geus balik deui bari mawa cai kana kaleng leutik urut sarden Botan.
“Gustiiiiiiiiiii!!! Aing mah nya, maenya atuh sakitu cukup?” Wa Fhir siap-siap ngepret preman Zowie.
“Belegug sia mah Zowie! Wios Wa ku abdi pangnyandakeun cai saember mah...” beretek preman Uyung lumpat ka imahna. Teu lila manehna jol deui.
“Asa aneh Jang Yung eta cai teh?!” Wa Fhir heran ningal cai saember nu bauna rada lain, cai naon Jang Yung eta teh?”
“Cai aki Wa!!”
Teu antaparah eta mah Wa Fhir langsung nyokot batu nu ngajegir ngareupeunana.
“Dasar preman goblog siah! Emangnya bujur aing aya tulisan cap aki GS?”
Can kebat ngabaledogkeun batu, eta dua preman kacingcalang teh geus lumpat. Terus naek kana suhunan imah Bunda!
“Seblu siah! Bisa-bisa dadas bujur aing nya!” Wa Fhir kululutus. Bari teu lila manehna mariksa ka handapeun pacilingan.
“Naha euweuh nu pluk..plukan nya tadi kana cai?”
Manehna ngabenerken sarung nu titadi diharudungkeun. Ngan eta nu jadi Wa Fhir soak jeung era sorangan:
“Gustiiiiiiiii!!! Paingan ti tatadi asa euweuh sora pluk plukan ka handap. Geuning ieu!!!”
Burusut, eta hasil tapa teh ngaburusut tina sarung. Rupanya tadi hasil karya teh nyangsang na sarung! Untung gararing ....

Dicutat Tina www.ngadubako.com