deukeut kuburan deuih. Tukang bengsin 2 tak mikir 10.000 kali rek dagang di palebah dieu mah. Bener, Wa Fhir aya kucalakan kana ideu mah, manehna langsung muka calana. Der we tutup bengsin dina tangki motor dibuka. Kecewer ...
“Mmmh.... sarua geuning jeung bau bengsin! Katipu siah motor !!!! Ieu mah lain bahan bakar fosil. Tapi bahan bakar tina fosil mutu!! Hahahahaha!” Wa Fhir ngabarakatak saenggeus motor hurung teh. Bener! Mak nyus. Dina tangki motor asa nambahan 2 leter bengsin deui. Haratis dan alami deuih!
Wa Fhir narik gas. Nengkep kupling. Mindahkeun gigi. Bruuuuuuuuuuung... motor Binter-na ngageuleuyeung. Wa Fhir bangun nu bungah. Ngahariring sajajalan ... sirahna nu ditutupan helm full face anggut-anggutan. Wa Fhir bungah bisa balik deui ti kota. Balanja pikeun kabutuhan manehna: sendal capit, kolor, singlet, tuangeun pesenan Bunda, nepi parab entog... kabeh lengkep. Diwadahan kana karung. Ditalian di palebah tukangeun diukna. Kampung kameumeut nu dituju aya 15 kilona deui. Kampung singkur jauh ka bedug...
Na, atuuh... pas liwat astana gede. Ditukangeun asa ngadadak beurat. Puringkak... bulu bitis Wa Fhir muringkak! Bau menyan, bau kentang, bau hitut, bau bangke, bau jaringao, bau kelek, bau katuncar, bau sate, bau ban kaduruk, jeung bau parfum Hugo Boss.. kaangseu meledek!
“Euh, pasti aya kunti yeuh.... “ gebeg! Wa Fhir ngadadak ngagebeg basa ngadadak aya nu nyepengan kana cangkengna. Direret saeutik ka tukang. Geuning...euh, asa film Suzanna “Beranak dalam Dubur”.
“Mmmh.... sugan teh Bunda nu numpak teh. Tapi Bunda mah bakal leuwih beurat ti dieu,” Panononna malik deui ka hareup. Teu dirasa, “Paduli teuing ah, uing mah rek ngabayangkeun nu diuk di tukang teh: Ceu Yusie kitu? Ah, Ceu Ulil wae? Atawa Ceu Dewi? Ceu Susie? Ceu Tia? Ceu Nining? Mamih Seny? Abah Use? Kang Aham? Kang Deddi? Ceu Mar? Ceu Alida? Ceu Aliyaa? Euh... atawa Omy wae kitu? Aha! Mending ngabayangkeun Ceu Rat wae ah! Da moal pantes kudu ngabayangkeun Bunda Mien mah .... ” ngadadak Wa Fhir ngabsenan hiji-hiji warga kaum coet nu aya di Kampung Ngadubako!
“Hihihihihi.... Hihihihihi.. Hihihihihi ngiring, Kang!” kadenge sora nu ngirung nyikikik ti tukang bari: heos niupan pundukna!
“Lain Akang aing mah, Uwa kituh!” Wa Fhir malik nyentak ka eta kunti.
“Replay, hihihihihi.... ngiring, Wa!” Kunti jadian deui ngomongna bari semu ngirung.
“Tah kitu atuh, arek ka mana Nyi Kun teh?” tanya Wa Fhir bari leungeunna tipepereket nyepengan setang. Huntuna gumaratuk. Karasa aya nu haneut maseuhan calananana, pas 10 cm handapeun bujal.
“Bade ka Senayan City!” Ceuk Kunti bari muntang pageuh kana cangkengna. Ayeuna mah malah make nyasar sagala tah leungeun kunti pikasebelen teh!
“Jauh teuing atuh!”
“Ka BSD we!”
“BSD teh naon? Teuing ah teu nyaho aing mah”
“Ka Cibubur atawa ka Bogor we...”
“Sanggeuk!”
“Ka Jatinangor we atuh Kang. Kersa?! Bade ka Jinanti..... meser brownies hideung!”
Can ge Wa Fhir ngajawab. Naaaa tuh... gubrag! Motorna labuh, pas hareupeun pos polisi. Tadina mah Wa Fhir teh rek ngebut pas liwat hareupeun pos polis. Da inget ieu mah motor bodong... euweuh STNK-an.
“Awwwww.... isiiiiiiiiiiiiiiin!” eta Kunti nutupan pingpingna.
“Siah, aing jadi labuh! Gelo!! Mun mawa Manohara mah aing moal soak kieu! Deuleu siah, tah kaen sia pagujud na jari-jari jeung rante!” Wa Fhir nangtung deui bari ambek-ambekan.
Katingal kaen boda nu dipake kunti teh soeh. Pas pisan ti handap nepi pingpingna.
Teu lila....
“Selamat malam. Ada apa ini? Mana SIM Anda? Mana KTP Anda? Mana sepatu Anda?” jug aya Polwan hareupeun. Na bet ngaran palebah dada katingal tulisan: Novi! Song Wa Fhir mere SIM-na. Nu foto dina SIM-na teh ngan ti palebah dada ka handap. Taya mastakaan. Aneh! Teuing ti Polwil mana bisa nyieun SIM samodel kitu?
“Euh, ini Bu... euh... pagujud.”
“Pagujud apanyah?” tanya Bu Novi bangun nu tegas.
“Begini ceritanyah... bla...bla...bla....“ Wa Fhir mulai ngajelaskeun. Kunti mah cicing we bangun merasa bersalah.
“Tunggu!! Saya agak rieut mendengar penjelasan Anda. Apa maksud bla...bla...bla..itu?”
(Euh, aing mah ieu nyiksa nya. Bu Novi teh meni tega ngospek nu nulis!! Maenya kudu dicaritakeun deui ti awal?)
“Pokona mah kitu lah!” Wa Fhir kesel bari nutupan calanana ku jeket. Da mulai kaangse belerang.
“Oooh... saya mengerti kalau begitu mah. Jadi, Anda telah melakukan kasalahan. Satu, Anda berkendara di malam hari dengan membonceng tanpa memakaikan helm pada penumpang! Biadab... gimana kalau penumpang Anda kepalanya benjol?”
“Ke heula Bu!! Da sebelumnyah juga saya mah kagak mamawa penumpang. Inih sajah kuntinyah jug anyeucleung na luhureun karung babawaan sayah!”
“Diam!!!!! Diam itu emas, bicara itu perak, motah itu perunggu!!!” Bu Novi nyentak bari ngaluarkeun bedol angin made in Cipacing, langsung ditodongkeun kana beungeut Wa Fhir. Wa Fhir pun pias mendadak. Jiga dinosaurus meunang mabuk. Ari kunti? Langsung angkat tangan! Poho kana pingpingna. Wa Fhir langsung ningal kana pingping kunti... kolenyay meni bersih bin mulus eta pingping! Kasempatan ...
Bu Novi sesentak deui:
“Kedua, Anda telah menggunakan bengsin bajakan. Coba Anda angseu ini?” Bu Novi muka tutup tangki motor. Wa Fhir rumasa bagean ieu mah salah suralah.
“Ketiga, Anda telah melakukan pelanggaran asusila! Anda terlalu oces dan cengos. Membawa perempuan malam-malam. Anda telah membawa kukupu malam! Anda mau rucah di mana hah? Anda telah melecehkan perempuan! Pengin dibejain ke Kak Seto hah?”
“Naha jadi pasal melecehkan ieu teh? Abdi mah janten rieut. Geus lah tembak abdi yeuh.... nu teu tuah teu dosa. Naha jadi abdi nu disalahkeun? Sooookk... tembak we Bu... tembak abdi!! Kagok hirup dilecehkun ku kunti mah!” ngadadak Wa Fhir ngahareupan Polwan Novi.
Kunti pun akhirnya turut bicara.
“Bu... bu sabaaar! Abdi nu lepat mah, sareng deui abdi mah sanes kukupu wengi. Abdi mah kunti.... gitu lho!“ ceu kunti cumentil milu ngabela Wa Fhir nu geus putus asa, “Sakali deui lepat abdi Bu. Tadi teh abdi nuju ucang-ucangan na tangkal caringin caket astana gede. Ari pek di handap aya motor ngalangkung... ah, ku abdi teh tadina mah bade dijailan. Langsung we numpak pengkereun si Uwa.”
“Oooh, kitu? Jadi ini mah salah Anda?”
“Sanes ANDA Bu, abdi mah...kunti.. swear deh! Teu acan gentos nami!” ceuk kunti mempertahankan gengsi kekuntiannya.
“Nya, salah kunti nyah? Geus atuh ayeuna mah anjeun kunti nu kudu dibawa ka pos. Urang interogasi. Geus loba kajadian jiga kieu teh!”
Atuh paramitra sadaya, eta kunti langsung diborgol ku Bu Novi. Tah, palebah kunti dibawa ka pos, eta mah balad Bu Noi langsung patingburisat pas ningali eta kunti tonggongna bolong. Patingburisat teh lain sieun, ieu mah ngadon marawa senar gitar. Cenah ceuk manehna:
“Euleuh, ieu meureun nu disebut body gitar teh! Aya bolongna di tengah. Nya, eta mah tinggal dipasangan senar wae!”
Ari Wa Fhir mah dititah nuluykeun deui lalampahanana.
Kunti paadu teuteup jeung Wa Fhir, bari gerentes hatena:
“Mmh... Wa nu kasep, pileuleuyan. Karek saumur hirup uing dikieu-kieu ku bangsa jalma. Semoga kita dapat bertemu lagi di kemudian malam,” ceu Kunti na hatena bari terus ngahaleuang lagu Ello, “Selamat tinggal kasih...sampai kita jumpa lagi. Aku pergi takkan lama. Hanya sekejap sajah ku akan kembali lagi. Semoga engkau sabar menanti!”
Wa Fhir ge teuing kumaha bet asa kabandang ku eta kunti. Manehna langsung numpakan deui motorna. Bius... indit bari ngahaleuang lagu India, Mohabbatein:
Hamko hamii se churaa lo.
Dil me.n kahii.n tum chhupaa lo.
Hamko hamii se churaa lo.
Dil me.n kahii.n tum chhupaa lo.
Ham akele kho na jaa'e.n.
Duur tumse ho na jaa'e.n
Paas aa'o gale se lagaa lo
....
“Terus Wa.... ngeunaheun yeuh!!” Eta mah trio jebred, Ceu Nining, Bunda. Malah Ceu Mar nu keur bubureuyeungan nepi milu ngagitek! Ari Bah Use jeung Wa Jei sibuk nabeuh bujur ember. Ceu Ulil nu aya di buruan milu ngengklak jeung entogna. Malah, Ceu Nining mah nangkeup tihang imah... bari gegeleoan, eh gegeolan. Asa jadi Sri Devi wae. Tuh di deukeut ruyuk mah apanan Ceu Susie jeung Mang Udung kalahkah gugulitikan jeung ungkud-ungkudan nurutan film India.
Wa Fhir, nu keur ngalindur di golodog kalah beuki tarik sora gundamna teh. Atuh, eta mah kabeh baraya, nu niatna ngajak botram ka Wa Fhir teh, kalahkah beuki motah nanggap nu ngalindur! Tingali geura, itu Bunda Mien pahibut nakolan botol Aqua jeung piring seng. Ditema ku Omy nu ngagitek jeung Mamih Sheny di handapeun palupuh, ngidek sayang undur-undur.
Ceu Rat malah malah make goyang kayang jeung goyang patah-patah sagala na luhureun batu gede nu aya di gigireun imah Wa Fhir. Ari Kang Aham jeung Kang Deddi mah malah goyangna teh make salto jeung Moonwalk sagala. Ari preman Uyung jeung Zowie mah apanan nepi goyang kepala sagala jiga budak Punk lalajo underground di GOR Saparua.
(Hahahaha... puas aing mah ngabayangkeunna!)
Jep!
Nu gundam alias mengigau itu pun diam. Kabeh nu keur motah teh jiga nu di-pause.
“Nah Wa bet eureun? Deui atuh Wa... request sakali deui!!” Bunda jug aya gigireun Wa Fhir. Wa Fhir ngan bisa olohok...
“Aya naon ieu teh?” biasa nu lulungu mah loading keneh. Nyawana can ngumpul!
“Uwa gundam meni rame pisan. Nyanyi lagu India Wa!” Ceu Rat ngabejaan Wa Fhir bari menerkeun bajuna nu rada nyingsat.
Nyaho kitu mah:
“Siah!! Ka aing teh lain ngahudangkeun nya batur ngalindur teh. Beu, ieu mah kalahkah nanggap! Borokok, orokodol, cipeuw, bencelung, koclak kabeh siah!!!” teu antaparah deui, Wa Fhir langsung nyarekan. Manehna lalaunan nangtung.
Nu rek ngambek teh ahirna kaeraan waktu Ceu Rat ngabejaan:
“Waaa... eta na calana naon? Hahahahahaha si Wa wet dream euy!!! Eta tingali geuraaaaaa... aya aday na calanana! Hahahahaha. Paingan bau Bayclin ti tatadi!!”
“Jrit, kunti kasebelan!” Ceuk Wa Fhir bari nutupan si entong.
“Hahaha... Wa? Wet dream jeung kunti?” Bunda tutunjuk kana aday na calana bangun nu puas ngekeak.
“Geus siah! Nu nulis eureunkeun caritana. Aing era yeuh! Ganti.. ganti caritana....”
(Manggaaaa atuh!)“Ganti calana Wa... lain ganti caritana! ” Mang Udung jeung Ceu Susie ngagorowok ti arah rungkun babadotan
Dicutat ti www.ngadubako.com
Tidak ada komentar:
Posting Komentar